Renet eo ar C'hamp gant Gwenael Huon a zo prezidant hag Anna ar Beg a zo sekretourez ha teñzorerez. N'emaint ket o-unan avat : ne vefe ket eus KEAV paneve labour ur gwir skipailh tud. En o mesk emañ tud ar burev a vez bodet 5 pe 6 gwech ar bloaz evit prientiñ ar c'hamp hag an devezhioù studi. Hag evit kas ar stajoù-se da benn ez eus un toullad kenlabourerien all : ar gelennerien hag an animatourien da gentañ-penn evel-just, tud eus an diavaez a vez goulennet digante ober war-dro tra pe dra , hag ivez ar stajidi o-unan a c'hall kemer un obererezh war o c'hont, ken e c'haller lavaret mod pe vod e kemer perzh an holl e mont en-dro ar c'hamp.

Ha kement-se a-youl vat pa ne vez paeet den evit e labour.